ప్రకాశం జిల్లా దర్శి సబ్ డివిజన్ పోలీసు అధికారి నేడు దర్శి సీఐ తో కలిసి తాళ్లూరు పోలీస్ స్టేషన్‌ను సందర్శించారు. ఈ సందర్భంగా స్టేషన్‌లో పెండింగ్‌లో ఉన్న కేసుల పురోగతిని సమీక్షించారు. ముఖ్యంగా అండర్ ఇన్వెస్టిగేషన్ (UI) కేసులను త్వరితగతిన పూర్తి చేయడం, సంబంధిత కేసుల్లో ఛార్జ్‌షీట్లు దాఖలు చేయడం వంటి అంశాలపై అధికారులకు తగిన సూచనలు చేశారు. కేసుల దర్యాప్తును వేగవంతం చేసి, బాధితులకు త్వరిత న్యాయం అందేలా చర్యలు తీసుకోవాలని ఆదేశించారు. స్టేషన్ రికార్డులు, కేసుల నిర్వహణ తదితర అంశాలను పరిశీలించిన ఎస్‌డీపీఓ పోలీసు సిబ్బందికి పలు సూచనలు చేశారు.